Chokokue Mborayhu

Adrián Barreto

Compositor: Carlos Miguel Jiménez / Julián Alarcón

ehendu, mitãkuña
ndéve arúva, tupãsy
paraguái ñe'êpoty
mbaraka moirûarãmi

nde rovái tañesûmi
naimo'ãiko rejahéi
ajuháre apurahéi
amombe'u che mborayhu

che korapy ombojeguapa
pe ysyry
ha'e ipotî ha ho'ysã
ha upéi, hovy
hory joágui hendive
guyramimi opurahéi

ykua yvu, yva saite
ndaijojahái
kuarahy'ã ha eirete
chugui ndopái
ha jeruti ohechaka ñehavi'û
ha ñanembo'e joayhu

che recháre okaraygua
reimo'ã che mboriahu
hepyvéva mborayhu
che ñeguãme aikuave'ê
nemba'e che rekove
ha che róga kapi'i
mainumby ha panambi
oumiháre ojeroky

kavajumi reikohaguã
che apýri nde
yvoty ñu ha imbohupa
korochire
oime areko che rogami
ne ra'ãrõva avei

yvytumi pe ka'aguy
ryakuã ogueru
tembireko syva potî
nga'u omoirû
ha nde resa tohesape che rekove
ha che tapỹi rory
ha nde resa tohesape che rekove
ha che tapỹi rory